[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

إي والله أهوجـس ولانـي بمرتـاح
والحزن فى حوش الحنايـا بفـاروع

أمسيت من وصل المواليـف مـزاح
وأصبحت من فرقى المواليف مفجوع

البارحه .. في غبة الوصـل سبـاح
واليوم من عرش المواصيـل مخلـوع

ياصاحبي .. صرح الهوى والوفا طاح
والقلب كنه من عراويـه مقشـوع

كنت أحسب إن لحبنا عشرة أرواح
إلين شفت الحبـل بيديـه مقطـوع

يوم العهد به حده إسبـوع لا راح
أسبوع .. ويعوّد علي شوق ودموع

واليوم خمس سنين والهم .. مـازاح
هم الفراق اللي بلا عذر مشـروع

أستغفر الله تسعة شهـور ياصـاح
في غيبته قمت أحسب اليوم بإسبوع

العام .. خلي يسمع القلب لا صاح
واليوم .. مهما صاح ماهو بمسموع

ضاع الحساب وشفت برق الجفا لاح
وأيست لولا إن الرجا في مـزروع

وحالي نحل والحال مهوب منسـاح
من كثر ما أظمى للمواصيل وأجوع

بليت في من دونه سيـوف ورمـاح
وغدا علي وصله مثل حبة الكـوع

له مني إن سره على النـاس مابـاح
ولي منه إن الصد غصب ٍ بلا طـوع



للشٌـآعر الٌمبدع ../ مُحمُد بن فطُيِس الٌمُريْ ..

[/ALIGN][/CELL][/TABLE1][/ALIGN]