يترنم على مسامعي بأحب الكلمآت.. يضخ الحب في روح أضناها الشوق.. وأقلقتها الخطوب : يدفن رأسها بين أعطافه ويردد : لا تخافي حبيبتي ياأميرتي ياصغيرتي الحلوة ؛؛ فعشقي وحبي لك هو :


عشق بـدوي لا حـب ماهـوب كـذاب
يوفـي ولــو جـرحـه تـجـدد صـوابـه

***************************
تتساقط حبات الدمع من عيني وأنا أرى نظرات الحب الصادقة تتكلم من بين رمشيه ,, فأجيبه وأنا أوافقه كما وافق شنّ طبقة :

ريح الخزامى والنفـل زيـن الاطيـاب
يشـدنـي ريــح السـمـر فــي ثـيـابـه


لا اقبل نسيم الليـل لـه خيـل وركـاب
وله في طلوع الشمـس عـز ومهابـه

~
فدوة عيونك أنا ..

يالبى قـلبه/ كل ما قــال|لبــيه|

..............ويالبى صـــوته/ كل ما قال :لي هــاه



بالحالتين ان ترجمت شفته / إيـه

..............أضـــيع مـن كلي وادورنــي ما القـاه



يشل عقلي كل ما جيت أحاكيــه

..............وأنسى أني أصلاً/ كنت في شي أبغاه




يضماه سمعي وانتظر لين يرويه

................ والمشكله حتى وهو يمـــي أضمـــاه




حُبه مثل | طـيرٍ|يبي بيت يأويــــــه

.............. وانا ادري انه داخل القلب مــأوآه




وحده بقلبي دوم محدٍ يســـاويه

.............. وانا بقلبه طول هالعـــــمر أمــلاه




الشوق محدٍ غير صوته يداويه

.............. ويجــذ نار الغيض فيني من اقصاه




صوته مطـر في جيته/ في تجليــه

.............. تطفي عذوبة قطرته شوق مضناه




صوته صدى تغريد طيرٍ يغنيــــه

.............. صوته نسيم الصبحفي طلعة إضياه




صوته نغــم تطربني رقة اغانيه

.............. صوته عليه أدمنت ودواي من داه



صوته هدير الموج لامر شاطيه

.............. وانا بشوقي كل ماالريــــــح وداه



يذهل شعوره مسمعي كل مدعيه

.............. كـني على ضفة بحــر يحتري مــاه



أرقب طيوفه كل ما زارني فيــه

.............. ويدق قلبــــي كل ما مر طريــــــاه



وان حظّني وقتي بشوفه اداريه

.............. عن كل مخلوقٍ يضره وانا معـــاه



ما ودي حتى الشوك تلمس برجليه

.............. واغار من نسمه/ تداعب محيــــاه



والود ودي وسط عيني أخلـــيه

.............. والحفـه رمشي وبالعين أدفـــــاه



واضمه بصدري وألمه واراعيه

.............. واقبله من هامته لين ما طـــــاه



يعيش بي حلمٍ سرقني بيديــه

.............. واعيش به واقع مَلك كل ما جاه


لين أوصل بشوقي لحده واناديه

.............. واحاول القاني وانا ضايع ويــــاه



ويرد لي من رقة إشفاه | لبيه |

.............. واضيع منثاني /وانا اقول له |هاه..!|

الله لا يغير علينا,,
والله يتمم سعادتنا..
عاشقة بهدوء.. ومعشوقة بجنوووووون ..
أحمدكـ ياااااااااااااااااارب ..