اختي اميرة الاحلام المصروف 4000 لها فقط
البيت انا اصرف عليه وبالنسبه للاكل مايحتاج لانها لم تطبخ لي تقريبا منذ سنوات
الغاز اصلا مايسوي عليه الا الشاي والقهوه فقط
ولايتغير الا 8-9 اشهر
اكلنا كله بالمطاعم شهريا تقريبا 2500 ريال اكل مطاعم
انا مهدي اعصابي بس هي تظغط تضغط وانا اقول سمي ابشري
والان صرت اطنش الجدال معها هي تتكلم وتتكلم اخليها تقول كل شي وانا ساكت
وذبحتني بكلامها ليتني ماتزوجت اذا كان الزواج كذا
وسافرت قبل كم يوم الشهر الماضي ويوم جت عندي تقول ليه ماشريت لي هديه شف ازواج خواتي كلهم شارين لهم هدايا
اقولها انا عطيتك 5000 الاف ريال تحويل قبل ماتجين بيومين وهذا وشي
واذا هي على 4000 انا مبسوط بس وربي انا راتبي يروح ملح بعد استلامها 10 ايام
منها
سويت شغله الشهر الماضي وتوقعت انها بتتكلم انت ماتعطيني وانا ابغي اشتري ولبسي كله من الملابس الرخيصه
وقمت طلعت ورقه وقلت لها شوفي مسجل كل شي فيها من يوم استلمت الراتب وقلت احسبي كم عطيتك طلع 9100 ريال
قلت وين راحت انهبلت قلت انت تحسب على خلاص مااابغي شي منك الله لايحيجني لك
ماااقول الا الله يهديه بس

يوه يااخوي الله يعينك عليها لاوم تشوف حل
وين تروح هالفلوس موب صاحيه يعني الحمد الله الف ريال اقدر اخذ فيها الي ابي وان كثرت الفين وتلبسني ماركات والله لوها تشتري الماس شكلها تعطيها اهلها
والله معليش خف يدك عليها شوي يعني حرام وانت ماقصرت عليها ليش تسوي كذا
وعلى كلها هذا مهمله حقوقك وليش المطاعم وش خليت للزمن لوفتحت لك مشرع والله بتكسب صدقني
ولاانها تروح هباء منثورا تعبك كله
معليش اخوي كثرت عليك بالكلام بس والله قهر والله يزيدك ولاينقصك ويوفقك ويهديها ياربي

أكيد انها تعودت على كذا كلمها بالطيب وشد عليها شوي شوي عشان ماتنصدم
يعني غريب انك مكرمها وهي ماهي مقدرة
وادعي الله وربي بييسر اللي فيه الخير

يا اخي تزعل اهبا يوم والاشهر ولاحتى سنه ,, ولاتقعد بها المعانهاة عمرك كله.. زوجنك تعودت ان كل اللي تبيه تنفذه لها واذا قلت لها لا ..ما تستمر تتراجع وكل شي تطلبه تلبيه .. ما تتناقشها في تصرفاتها واسلوبها الغلط .. ..شيا اخي شنو تاخذ 4000 شهريا وممكن تزيدبعد ترى ال4000 راتي موظف يداوم من 7الى 3 العصر وفاتح فيها بيت بعد .. لازم يكون فيه حل جذري للي انت فيه.. وحتى اذا زعلت البسها تعرف شلون تلبسها ..خلها تفهم وتحس ان اللي تسويه غلط بغلط وانها مثل ما تاخذ ماديا ونفسيا لازم تعطي لان الحياة جذي ..

الســــــــــــلآم عليكم ..


حيــآآك الله اخوي .. ( انا والزمــآآآن )

اولا :

معليش لا تزعل مني ... انت سبب كل اللي صــآآير لكـ مع زوجتك، ؟؟

لحظه / راح اوضح لكـ الاسبــآآب .. اللي خلت زوجتكـ توصل لهذي المرحله..
اول شي . انكـ مدلعهــآآ فووق الحد الطبيعي .
ثاني شي . انك ماااوريتهــآآ للحين العين الحمرا .
ثالث شي . ماافي قوانين وحدود بينكم ( كزوجين)

يعني لو انك الحين دلعتهــآآ بس بحدود العقل . ماااوصلت للتمرد وحجد المعروف .. على الاقل رااح ترضى بالقليل .. وتشكر ربهــآآ على النعمه .. بس الظــآآهر انهــآ عمرهــآ ماشافت نعمه ولا حست فيهــآآآ .

وانت ياا اخوي عمركـ مااشديت عليهــآآ شوي . يعني انا ما اقول لكـ كفخهـآآ وسطرهــآ ... :)
لاآآآ بس على الاقل .. لو يوم وآآآحد اذا طلبت منكـ اكل من المطــآآعم .. قول لهــآ انا متزوج المطعم ولا متزوجكـ وييييين .. ماااتطبخين مثل النــآآس .. او انك تغير الاسلوب . مثلا/ لو طلبت منكـ اكل من المطعم . قووول لهــآ والله اني خــآآطري اكل من يدكـ . من زمــآآآن عن اكلك .. ... وشووف التغير .
بعض الحريم .. اذا مااااتعدلت بالشده. تتعدل بالطيب .. . بس انت تعال لهــآآ باللييين افضل وشوووف اذا مااتغير..

واذا عندكم خدامه ( هنــآآ المصيبه .. لانهــآآ اعتمدت زوجتكـ على الشغاله في كل شي .. وانسى انهــآآ تكون رآآآآعيه بيت .. وسنعه )

وكمــآآن حبيت اوضح لكـ نقطه مهمه وهي ..
عدم وجود اي قوانين وحدود في حيــآآتكم الزوجيه ....( لحظه انا ما اقول سوي جدول وقوانين عسكريه . لاااا )
بس مقصدي .. مثلا انااا في بيتي . عندي قوانين . وانا وزوجي . مسوينهــآ
مثلآ
تطبخ زوجتك في البيت كل يووم الا في حــآآله مرضهــآآ او عدم وجودهــآ في البيت
بس لهــآآ كم يووم تقدر تدلعهــآآ فيه .. ( مثلا الخميس والجمعه يكون اكلكم في المطــآآعم )

وبالنسبه للمصرووف .. بحدود المعقول . يعني انا اشووف الـ4000 مرهـ كثيرهـ عليهــآآ . مومقصدي انه قليل في حقهــآآ بس والله الــ1000 يكفي مثل مااا ال100 تكفي . صح ولالا .
يعني مو بكثره الشي . اناا اقدر اشتري صندل الله يكرمكم بـ 100 واقدر اشتري صندل بـ 1000 بس كلهــآآ نفس الغرض . ونفس الاستخدام... طيب فين الفرق ... يعني واحد مــآآركه عالميه .. وواحد من محل عـــآآدي .

طايب زي مااا اقدر اصرف الــ 4000 الالف ريــآآل كل شهر ..
اقدر كمــآآن اجمعهــآآآ وتصير . في السنه, 48 الف ريــآآل .
واسوي فيهــآ اي شي يعجبني . لو ان شاءلله اسافر فيهــآآآ

وانت كمــآآن حدد لهــآآ مبلغ اقل شوي .. وقول لهــآ عذرك انه المصــآآريف زاادت عليكـ شوي . ومااتقدر على مصروف الــ4000 .. : اذن من الشهر هذاا راح اصرف لكـ بس . 1500 ريال فقط لا غير ..


زعلت ... عصبت ... قامت تهاوش ووتطــآآول ..<< قول لهــآآ هذا اللي عندي ..
تبغين حياك الله .. وياهلا ويامرحبــآآ
مو عــآآجبكـ .. بالطقاق..

وشوووف وش بتسوي .. وربي تعرف انك شديد .. موو اللي اول مدلعهــآآ ومحترمهــآآ وهي لا حشمه ولا مقدار .

الحرمه اذا شاافت الرجال طيب وماايرفض لهــآ طلب ..وشاافته مييييييييت عليهــآآ اصلا ولااا تهتم فيه وتقول في نفسهــآآ بكره يراضيني لو زعلت . ويجري وراااي

خليهــآآ هي اللي تجري وراك . ولو زعلت وراحت بيت اهلـهـآ لااا تتصل عليهــآآ خليهــآآ وشووف مين يتصل ..
لاشــآفتك انت مطنش . ولاهمكـ امرهــآآ

هي رااااح ترجع وتكون ندمــآنه ...

او انك تهددهــآ بالزواج عليهــآآ ( انا ما اقول تزوج لااا بس تهديد ..)
وربي لو شمت خبر انه فيهــآ ضره لهــآ وطبينه وربي تتغير 180 % درجه ..
( موضوع الضره هذي مسوووي للحريم فايروس خطير )
اسمع بقولك سالفه وحده
هذي وحده حرمه ولدت وجلست في بيت اهلها فووق الثلاث اشهر .
وزوجهــآآ في كل مره يطلبهاا ترجع البيت ترفض وتتحجج انهــآ في فتره نفــآس وتعبانه ..
طبع الزوج صبر وصبر وتحمل فوووق الحد الطبيعي .
بس خلاص الصبر انتهى . وماعنده قدره للتحمل ..

رااح الاخ اتصل على زوجته وقال لهـآ تراني تزوجت ..
طبعـآ هي مااصدقت ..
وراحت بيتهــآآ وفعلا شاافت الرجال يروووح عنهــآآ ويغيب فترهـ
والحرمه جنت . مااهي عارفه ووش تسوي .
عاد هي تحكي وتقول . رجعت بيتي انا وبنتي .
وزوجي من صبـــآح الله . وهو يلبس ويتكشخ . ويطلع فووق الدور الثــآني .( شقة العروسه الجديده )
وتقول شووي اسمع طقطقه جزمتهــآ فووق الله يكرمكم . وهي تتمشى العرووسه ( هي للحين مااشافت العروسه بس تسمع صوت الكعب ) ههههههههههههههههههههه
تقول احس قلبي يتقطع . وتقول احس انهــآآ راااقيه ووحده متكشخه طوول اليوم حتى العكب تلبسه في البيت ..
وتقول اناا اشوف زوجي مااايجي البيت الا في اوقات معينه .
تقوول قررت اني اطلع فووق واشووف العروسه هذي اللي انا غيرانه منهــآآ واخذت زوجي مني ..
ويوم طلعت وفتحت الباب
هههههههههههههههههههههههههههههههههاي
وطلعت العروس ( عنز )
الرجـآل ذكي . جاب لهـآآ عنز وقفل عليهــآ في الدور الثاني . وخلهاا تسرح وتمرح . وهو يطلع لهــآ من بدري ويحضر اكلهــآ
والحرمه الاولى انهبلت .. تقوول وربي العنز هذي عدلتني .
وخلتني اشووف بيتي . وارجع اهتم فيه

يعني الحرمه غااارت من عنز .. شلون مااتغار من حرمه مثلهــآ

صدقيني موضوع الزواج الثاني للزوج وربي يعدل الحريم اللي مثل زوجتك
لانها فعلا رااح تشوف الخير اللي عندهاا والطيب اللي منفذ كل اوامرهااا رااح يكون لهاا شريكه معاهاا ..
راح تنتبه وتتعدل

يؤيؤيؤ الكلام كثيييييييير
بس المقصد مهم وانت ان شاء لله تكون فهمت قصدي زين
وربي ان شاءلله يهديهااا ويسعدكم ويكتب لكم الخير

واسفه على الاطــآآله /
تحيــآتي /
ورد الحربي