عضو في ضيافة قوافيَنا الشعريه - الصفحة 2 - زوجــي و زوجتــي عالم الحياة الزوجية

همسة حب ..:: عضو مميز ::..

صباح الخير يا وجهٍ تبسم من شعاعـه نـور ،
صباح الخير يا فجر ٍ ضوى هالكـون بأنـواره ..

صباح الورد يا عطر ٍ تفتح من شـذاه زهـور ،
صباح الورد يا روض ٍ مـلا هالقلـب بأزهـاره ..

صباح الحب يا حب ٍ نبت فـي داخلـي بجـذور ،
صباح الشوق يا شوق ٍ غديت أنشد عن أخباره ..

صباح العمر يا عمر ٍ خطيت بدربـه أول سـور ،
صباح الخير لكن غيـر ياكـل الحـب و أشعـارهـ ..

صباح الورد الجوري لجميع اعضاء المنتدى وخاصه العضو المتواضع الذي كل يوم نكتشف فيه ميزه حديده المحبوب من الجميع القحطانييعطيك العافيه على ردك المتألق
والابيات الجميله التي طرحتها
تسلم يمينك وصح لسانك
ماقصرت كفيت ووفيت
ودي لك

توقيع

** احساس ** عاشــق** ..:: تاج المنتدى ::..

ام الحبيب تسلمين على طررح هذا الموضوع الاكثرررر من رائع وهذا دليل

على أبداعك المتواصل الغيرر

مستغرب منك

منك كما اشكررر اخوي القحطاني على أختياره لي لاكون ضيف قوافيكم

الجميله ...؟

1- ماهي علاقتك بالشعرررر ....؟

الشعر أحبه وأعشقه واكتبه من ذا الصغرررر ويمكن أجيبك أكثررر بهذه الابيات

الشعر أحبه وأعشقه وأكتبه دووم ........ له في حياة إحساس معنى وقيمه

أوصف به أحبابي وعشقي وبه أعوم ......... واوصل معه اعلا جبالآ وغيـمه

معه أتنفس من عذابات وهموم ....... واشكي عليه من زماني وظيـــــمه

فالشعر بالنسبه لي حب وعشق بلا حدود

2- من هو شاعرك المفضل .....؟

الاميرر والشاعر الكبير خالد الفيصل

3- أعضاء في زوجي وزوجتي تثق في ذايقتهم الشعريه ...؟

كثيررررر بذكر منهم سيف العداله ,,, دايمـــ ند ـــوو .... نجمه الشوق .... القحطاني ... خجل وغيررهم

4- بيت شعر يحضرك دائمآ ....؟

اكثرر من بيت بس بذكر

غايب وقلبي يتبعه ,,,,, وان قلت بنساه أخدعه

مهما قسا قلبه حنون ..... وحجة الغايب معه

5- قصيده تعدها من أروع القصايد ....؟

اكثرررر من قصيده رائعه بس بختار لكم قصيده لشاعر خالد الفيصل

اروع قصيده للشاعر .. خالد الفيصل

حبيبي ما كفاني في الحضور ...الصوت والصورة

ولا طفت لهيب الشوق ثنتين تحلاني

سقى الله ليلة فيها القمر غاب وطفا نوره

بعد ما سلمك يا نور ليلي وجهه الثاني

سقى الله يوم كان الحب غصن نقطف زهوره

عسى الريح اللي أومت به تنام ويسعد الجاني

حبيبي علها تكبر جروح منك مغمورة

نصيب جابني لك باتجاه الشمس وداني

ذخرت أغلى شعور وكل خفاق ومقهوره

لعينك يالجريح المستريح القاصي الداني

وشلتك داخل الوجدان حمل لذني جوره

ولو أشغلتني واشغلت بي تفكير خلاني

أبولع لك الدنيا قصايد عشق منثورة

وأبعزف بك نغم للحب يا قيثارة ألحاني

عليك عيون ناس وكل قلب ضاق بشعوره

تمنك العيون وجيت يا عيني تمناني

أحبك كيف ما حبك وانا اللي لك بنا سوره

على جمر يدفي بارد اشجانك من اشجاني

حبيبي والمشاعر فيك مختالة ومغرورة

تدلل وانت في ساحة غلاي اليوم وحداني

وإذا ملت خطاك الدرب مسموحة ومعذورة

تنساني ... دخيل الحب لو تقدر تناساني

6- هل لك محاولات في كتابة الشعر ....؟

نعم انا أكتب الشعر من ذا الصغررر وكتبت الكثرررر من الشعرررر

7- لك مساحه بلا حدود وحرية بلا قيود امتعنا بقصيده من ذووقك ..؟

طبعا هذي من قصائدي اتمنى تعجبكم نزلت في المنتدى من قبل

على نبض المشاعر والمحبه من خفوق إحساس

اسطر لك حروف الشوق من قلبي وأرتبها

حياتي دون وصلك ياحبيبي مالها مقيــــاس

غيابك وهجرانك ترا بالحيل عذبها

حكينا الصحيح ولارجينا كلمة النومــــاس

طبايعنا وعوايدنا على الشيمات مذهبها

محبتنا له طابع ولها عزة ورفعة راس

نموت ولا حنينا روسنا لو صعبة مطالبها

غيابك طال ياغالي عسى مايجيك الباس

وعسى قلوب الحبايب دووم ماتفقد حبايبها

لاجل عينك هديتك من غلاتك خاتم الالمــاس

ولاجل عينك حروف اسمك على الصفحات كاتبهـا

عيوني مع طيوفك سهارى ولا يجيها نعــــاس

رجاها في طلوعك ياقمر بالحيل متعــــبها

عليك من الذهب لمعه وغيرك لمعته بنحــاس

معك كل القلوب اليوم بنظرة عين تجذبــها

من تريد يكون ضيفنا في قوافينا ,,,,,,

اتمنى أن أكون قد وفقت والمعذره اذا قصرنا في شي وان شاء الله كنا ضيوف خفاف عليكم

واختار الضيف القادم (( دايـــــمـــ ند ـــــــــوو ))

أجمل تحياتي وتقدير لكم ,,,,

توقيع

همسة حب ..:: عضو مميز ::..

مساء الوردْ
مساءٍ يختفي بنوره انين البردْ
مساءٍ مايعرف الصدْ
مساءٍ معطر بورود شفافه...
تشفي الهم وجراحه...
تزيل الوهم واشباحه...
وتداعب طري الخدْ

مساء الوردْ
مساءٍ ما تطوله ليالي البعدْ
مساءٍ يعطر الوجدان...
وتسهر لاجله ورود الارض والريحانْ
مسا الذكرى...
ويوم الامس.... وامل بكرا
مساء النرجس الحاني....
وطيفك يغازل اجفاني....

مساء الحبْ
يا جار القلبْ
يازهر الدربْ
ياعشق باقي بوجداني...
ولا يعرف حدود الحدْ

مساء الوردْ
يا حلم الغدْ
ياكل الوعدْ
يا اجمل من عرف قلبي
وسكن دربي....
وله مني.......
صدوق العهدْ

شكرالك اخوي احساس عاشق
من جد عطرتنا بوجودك في الصفحه
وننتظر دايما ندوو
بس...ياليت تكلمها بالخااص

نشكر الجميع على الوجود والحضور الممز بالموضوع

توقيع

ghalaa ..:: عضو مميز ::..

مساء الخير والاشعار الحلوة

سيــــدة الغيــــد بنتظار تفعيل العضوية

اهلين
بصراحه كانت مفاجئة بالنسبه لي اختياري
لاكون ضيفه قوافي هذا الاسبوع
من حصلت الرساله عالخااص
من اخووي احساس عاشق
وانا سعيده جدا وياليت
اكون عند حسن ظنكم ..

ْ~~~~~

ماهي علاقتك بالشعرررر ....؟

علاقتي بالشعر علاقه قويه جدا

انا اتنفس الشعر اعشقه اسبح في بحوره

طبعا بقوارب مستعاره !! وليست لي !

استمتع بكل كلمه بل بكل حرف من حروفه ..

2- من هو شاعرك المفضل .....؟

مافيه شاعر معين انا اعشق الكلمه الحلووه

بغض النظر من يكون الشااعر

امممممم يمكن اميل الى نضم الشاعر الشيخ

حمدان بن محمد ..

- أعضاء في زوجي وزوجتي تثق في ذايقتهم الشعريه ...؟

فيه اكثر من عضو يعجبني ذوقهم

مثل مملوحه بزياده الله يذكرها بالخير,,سيف العداله,,

احساس عاشق ,,مرايم الشرقيه ,,, الهااوي

~~~~~~~

بيت شعر تردده دائما:

صدمات عمري زودتني مناعه

كل شي احبه اتوقع ضياعه !

~~~~~~~~~~~

بالحيــــــــل ميت من زمن مابه اصحااب !

والكل منهم بالمصايب يجيني

~~~~~~~

جرح الكرامه ماتدآويه الاعذار

لاتعتذر العذر

ماهو وسيله !

~~~~~~~~~~

مشكلتك انك على شعب الهوىقاسي

ومشكلتي اني عنيده وعيبي الطيبه

تراني حساسه وانته تجرح احساسي

وجرح الاحاسيس عندي اكبر مصيبه

إن كان قصدك تعلق قلبي الراسي!

كان غيرك اشطر! وبدري شخص يوميبه

~~~~~~~

5- قصيده تعدها من أروع القصايد ....؟

تدري وش اللي يتعب البنت ياخوي...؟!
رجــلٍ يخـــون اشواقـهـا و الـمــودة

إللي إلا احتـاج الغـلا صـار نمـرود
ولـيـــا شبـع ممـا عـطـاه إسـتـرده

البنت ريحانة غـلا ... ناعمـة عـود
تبــي لهـا رجــلٍ ورث طيــب جـــده

رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!

رجـلٍ إلا جـتـه الليـالـي بمنـقـود
يتكــى لهـا مــا بيـح الوقـت سـده

مهوب خبلٍ ما رعـى للهوى عهود
وادنـاة مـا عـارض طريقـه يـــرده

ولاهوب لاعلـة ... ولاهـوب ملهـود
ولا شكــوك ... و كــلٍ طــارئٍ يـحـده

ما أشين من الرجـال لا جـاك ببـرود
وإن قـال له تـرف القـدم شــي صـده

تبـي لهـا بـراق طيـبٍ لـه رعــــود
إن اجدبـت يمطـر علـى ريـف خـده

وإن نادته تكفـى لقـت عنـده الفـود
يشيــل عزتـهــا علــى قـــو زنـــده

كفه نفل ... وانفاس صدره لهـا عـود
وظلالــه الضــافـي بيــدهــا تـمــــده

البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده

البنـت إلا ضحكـت ثمرهـا لـك ورود
يا خـوي مــن يقطــف نواويــر وردة

واللي يهين البنت ناقـص ... ومقـرود
فرس غـلا ... ماهــي لـــعـبـــــــة ودده

~~~~~~

- 6_هل لك محاولات في كتابة الشعر ....؟

لا ابدا

7- لك مساحه بلا حدود وحرية بلا قيود امتعنا بقصيده من ذووقك ..؟

محتاج لك بأدفّـي يدينـي مـن ملامـس يديـك

هالثانيه بالضبـط مـا أظـن الشعـور يفوتهـا

عندي قصيده ودّها من خالص إحساسـي تجيـك
.حتى معانيهـا تبـي تاصلـك .. قبـل بيوتهـا

قصيـدةٍ يرجـع سبـب تركيبهـا منّـك وإليـك
وانته تعرفهـا مـن ملامحهـا وبحّـة صوتهـا

ياللي بديتك شوق كيف أشـواق قلبـي تنتهيـك

. وأحـلام عمـري لا فقدتـك ترجـع لتابوتـهـا

إي والله أحبّك ولا زلت أعشق وصالـك وأبيـك
وفي خاطري لك هيبة ملـوك العـرب ببشوتهـا

لا جيت أبشكي لك رجعت وقلت وشلون أشتكيك !
وأسكت لو إن جروح قلبي مـا تطيـق سكوتهـا

كم لي وأنا أنادي عليك آمال عمـري وأحتريـك
. وكم لك تجيب أعذار من زرق البحـور وحوتهـا

مع كل هذا .. والله إنـي مشتريـك وبأشتريـك
وأحسد عليك أهـل الريـاض وجوّهـا وبيوتهـا

لا تكثر ظنوني عليّ .. وتكثـر ظنونـك عليـك

نفسي فراقك ضيـم حالتهـا .. وقربـك قوتهـا

أموت لك \ أموت منك \ أموت معك \ أموت فيك
.ضع خط ..تحت الموته اللي تعجبـك وأموتهـا..

من تريد يكون ضيفنا في قوافينا

اختار ضيف القوافي اغانيج ,,,,,,

اشكرك اخووي احساس عاشق

على اختيارك لي لك مني كل التقدير

والشكر موصول للغاليه صاحبه المواضيع المميزه

ام الحبيب

قد يُعجبك ايضاً

{{{ ؛؛؛ أوراق { محروقه} في ضيافة قلب { محروق } .. ...! طلب ضيافة

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )