يابوي وينك عذبتنـي الليالـي ؟؟ * ليتك تشوف الحال وشلون منصاب
ليتك تشوف الهم وأوضاع حالـي * ليتك تشوف الدمع وشلون سكـاب
ليتك تشوف اللي بعدكـم جرالـي * حتى الفرح يابوي وياك قـد غـاب
أمشي و أنا يابوي همـي ظلالـي * وأخفيت جرحٍ يايبه مابعـد طـاب
جرحن مع الايـام لامـن طرالـي * سالت دموع العين من بين الاهداب
ساعة رحيلك يابعـد كـل غالـي * انهار حلمي وانكسر قلب معطـاب
خاوتني الحسره وحزنـي غدالـي * اوفا صديقن لي من دون الاصحاب
واوفت لي العبره وضيقـي وفالـي * وعايشتهم يابوي في ديرة أغـراب
يابوي شفت الويـل وانـا لحالـي * تركتني للوقـت ولضيـم الاقـراب
العيش دونـك والزمـن ماهنالـي * موحش بدونك يابعد كـل الاحبـاب
رحم الله والدينا ووالديك واسكن المتوفي منهم فسيح جناته وحفظ من بقي على الطاعة وبصحة دائمة
شكرا لك سندس على الابيات الجميلة التي لامست المشاعر بفقد الاب
لك تقديري واحترامي