تحياتي لكم جميعا .... شاكر ومقدر وقفتكم معي حتى لو بعضكم يحملّني الخطاء 100%

اللي ابي اقوله اني طلقت المغربية ماهو لعيب فيها لكن اشتقت لعيالي حتى هم اذا مريتهم واخذتهم بالسياره امشيهم يقولو لي طفشنا نبي نروح لبيتنا وازعجوا خوالهم ليه بابا مايخذنا للبيت .. المهم رحت ورجعت زوجتي وعيالي ...
جينا البيت وفتحت الموضوع وعطيتها كل اللي عندي ماخليت شي .. كل الكلام اللي قالته ماهو مقنعني بتاتاً البته .. حتى كلمة (آســـف ) ماقلتها من نفسها انا اللي طلبتها منها .. المهم سارت الامور طبيعية في البداية .. لكن اي موضوع يذكرني بالحادثة اللي حصلت بيننا يسبب لي مرض واتعب نفسيا وابدا بالتفكير وافقد الشهية في كل شي بيني وبين نفسي لدرجة ان عطوراتها و ملابسها كرهتها حتى المناسبات الاجتماعية ماصارت تستهويني اروح لها واستمتع زي اول .. صرت اعيش لوحدي حتى اصداقائي ماصرت اروح لهم بس نايم بالبيت بالعشر ساعات واكثر .. حتى اشغالي ماستمتع بتخليصها ولا لي نفس اخلصها ....

بالعربي الفصيح ... المتعة صــــــــــفــــــــــــــــر .. ايش الحل ... حدثوني من خبراتكم شخصوا حالتي النفسية .. بظل كذا يعني .

ربي يهديك ويرد لك زوجتك وعيالك ..من خلال كلمك أحسبك إنسان فعلا تحب زوجتك وتحب تعيش بهناء ...وقلبك مثل ما قلت كبير وأكيد عقلك أكبر ..
أخوي اي زوجة تحب زوجا ما تحب تشوفه في غلط ...والظاهر هي صبرت معاك كثير ..ولجأت لحل آخر ..وإن كان خطأ في نظرك لو ما تحبك ما كنت تهمها لدرجة إنها صارت تحاول تمنعك من السم بأي طريقة ...
لو فيه عيادات تساعدك تبطل الحشيش لا تتردد ...أولا لنفسك لأنه حرام ويضر صحتك ..وثانيا لخاطر زوجتك وعيالك ...وما فيه شي اسمه كرامة بين الزوجين لأن كرامتهم واحدة ...زوجتك الآن تعبانة نفسيا أكثر منك ...
ربي يعينك ويوفقك للخير ....

آسفة أخوي ما قريت كل الموضوع لكن نصيحتي لك تروح عيادة نفسية عند أخصائي أو طبيب نفسي تشرح له كل شي وهو راح يدلك ومتأكدة إنك راح ترتاح ...هنا آراء يمكن ما نقدر نساعدك مثل واحد خبير بمثل ذي مشاكل ...أسمع مني وروح وطمنا عليك ....

اخـي زيـاد /

كـان الله في عـونـك ...وعـون زوجتــك المنـاضلـة

قد تكـون طعنـتك بالخنجر على حـد قولـك ... اللذي فعلتــه هي من الكبائـر في نظرك

كون إنها أخبرت أهلهــاا ..وهـذا لايشفـع لها عندك ..؟؟

ولا الديــن يعطيهـا الحـق أن تفعل مافعلتــه ...أنا معك في ما ذهبت إليه .


بس تعال ننظـر إلــى الموضوع من منظار آخــي ومن جهــة ثانيــة جهـة الزوجــة

لقد فاض بها الكيــل أخي الكريــم ...وإذا جيت بتقارن الذنب اللذي ارتكبتــه بحقــك

وكيف أقمت الدنيا ولم تقعـدها ( لا أستهيــن بما عملتــه ) ولكـن دعنـا نقارن ماقامت

به تجاهـك وكيف استشطت غضباً وبين مااقترفتــه بحق نفسك أولا وبحق ربك ثانياً

وبحق أسرتك ثالثاً وصحتك رابعاً ...وسمعتــك وسمعـة أهلك ووالديــك .

.وهكذا أكمـل ؟؟؟!


انظر رحمـة الله وحنانـه عليــك وكيف سترك وأنت تصارعـه ليل نهار بالمعاصي ؟؟؟

والله ثم والله إنك في نعمـة عظيـمة أن الله منَّ عليـك بعمر ٍ ولم تكـن نهايتــك عنـد

جرعـة زائـدة أوحشيش ٍ مسمــوم تكون فيها نهايتــك أو سـوء خاتمتــك ...

زوجتــك تحبـك أخي الكريــم وربمــاا صبرت كثيراً وذاقت ما ذاقته في سبيـل إصلاحـك

وردك عـن غيك ..( لاتنزعـج من قساوة تعابيري ) فقد جاءت عفويــة كأننــي أكلم

أخـي الصغير ويهمنـي أمرك ...؟؟؟ قم واسجـد سجدة شكــر لله الحنان المنـان

نبارزه بالمعاصي ...خيره إلينا نازل وشرنـا إليــه ِ صاعــد..الله المستعـان

هـذه أول مشاركــة لي ..لذلـك استميـحك عذراً على رداءة التعبير والقسوة ...؟!!

والله ثم والله ورب البيت العتيـق ...لن تجد الراحـة والأمـان والاطمئنـان إلا في

رحاب الله ...وبترك مانهانا عنـه حتـى لو أدى ذلـك إلـى العلاج ...

بكل الوسائـل والسبــل ...

شافاك الله ورحمك وستر عليـك ولم َّ شملك بزوجتك أم عيالك

وعوضكم أياماً جميله هانئــة ...اللهم آميـــــــــــــــــــن .